Háahlíð 10

Croisette - Knight Frank kynnir Háuhlíð 10 í Reykjavik.

Einstakt hús á frábærum stað! 

Sex svefnherbergi!

• Tvö heil böð
• Tvö gestasalerni
• Eldhús með gaseldavél og sambyggðri borðstofu
• Stofa og tvö sjónvarpsherbergi
• Tómstundaherbergi, þvottahús, tvær geymslur og háaloft
• Rúmgóður bílskúr og sex bílastæði
• Útipallar á þremur hliðum hússins

Nánari upplýsingar veitir Styrmir Bjartur Karlsson, s. 899 9090 og styrmir@croisette.is

Tveggja hæða 368 m2 hús í lokaðri götu sem aðeins telur sex hús, fjærst umferð. Húsið lætur lítið yfir sér frá götunni en gengið er inn á stóran terrasso steyptan pall sem tekur hlýlega á móti fólki mót suðri. 
Frá honum er hægt að fara inn um aðalinngang hússins eða beint inn í eldhús. 
Komið er inn í flísalagða forstofu, en húsið allt er lagt gegnheilu ljósu parketi, utan forstofa, baðherberja og þvottahúss sem eru flísalögð og geymslu og bílskúrs sem eru máluð.  Í forstofu er gestasnyrting og fatahengi, en þaðan er farið inn rúmgott hol.  Úr holi er gengið niður tvö þrep inn á svegnherbergisgang, inn í sjónvarpsherbergi/kontór, svo og stofu og eldhús.  Á svefnherbergisgangi er stór þakgluggi sem varpar fallegri birtu í rýmið.  Frá ganginum er farið inn í tvö rúmgóð svefnherberi með eldri skápum og einnig inn í stórt hjónaherbergi með nýjum skápum, með einkabaðherbergi innaf, sem er með tvöföldum vaski og baðkari.  Frá enda svefnherbergisgangs er gengið út á stóran skjólgóðan sólpall með heitum potti, ásamt heitri og kaldri sturtu.  Þaðan er einnig hægt að ganga fram fyrir húsið og aftur fyrir húsið niður í bakgarðinn.
Stofan, sjónvarpsherbergið og eldhús sambyggt borðstofu eru björt rými með fallegum gluggum.  Arinn er í stofu og úr borðstofunni er útsýni á aðra hönd upp í Öskuhlíð og á hina höndina yfir miðbæ Reykjavíkur, líkt og úr stofunni.  Glæsilegt eldhúsinnrétting frá Phoggen Phol er með Miele tækjum.
Úr holi á efri hæð liggur steyptur stigi til neðri hæðar sem er jarðhæð út í garðinn.  Komið er inn í rúmgott sjónvarpshol, þar fyrir innan er tómstundaherbergi og innaf því er svefnherbergi og gestasalerni ásamt útgangi til austurs.  Úr sjónvarpsholi liggur einnig svefnherbergisgangur með tveimur svefnherbergjum og sameiginlegu baði með tvöföldum vaski og tvöfaldri sturtu.  Þá er opið frá sjónvarpsholi inn á gang sem liggur að geymslu og bílskúr, og loks er gengið frá sjónvarpsholi inn í þvottahús, þaðan sem útgengt er í hjólageymslu og út um hurð til suðurs.  Í bílskúr er pláss fyrir stóran bíl og 5-6 bílastæði eru aukalega á lóð hússins.
Húsið er allt hið glæsilegsta, hefur fengið gott viðhald og verið endurnýjað að nær öllu leyti.  Hér er um einstakt tækifæri að ræða, en hús við Háuhlíð hafa löngum gengið í ættir, og koma afar sjaldan á markað.

Um kosti hússins:
•  Húsið er einstaklega staðsett; í sex húsa botnlanga, fjærst Bústaðavegi.  Einstakt útsýni yfir borgina annars vegar og Öskuhlíðin með Nauthólsvík og alla sína náttúru handan við götuna. Stofan býður sannkölluð stúkusæti á gamlárskvöld og á flugeldasýningu Menningarnætur
•  Húsið eru með útiaðstöðu í allar áttir, þ.a. á góðviðrisdögum er hægt að njóta sólar frá morgni til kvölds .  Þá eru góðar grasflatir sem nýta má í fótbolta, golf, trampólín og/eða gróðurhús
•  Húsið er í nálægð við fjölda stofnana, s.s. Leiksskólann Stakkahlíð, Hlíðaskóla, MH, Verslunarskóann, Háskólann í Reykjavík, Háskóla Íslands, o.fl.  Þá er miðbærinn aðeins í um 20-30 mín göngufjarlægð, t.d. yfir Klambratún
•  Margar verslanir eru í stuttu göngufæri, Krambúðin í Lönguhlíð og í Suðurveri er bakarí, blómabúð, hásnyrtistofa, hreinsun, apótek og kjúklingastaður
•  Húsinu tilheyra 5-6 einkabílastæði inn á lóð utan götustæða beint fyrir framan húsið þar sem bílum er að heita má aldrei lagt.  Þá er auðvelt er að leggja bílum á bílastæði MH, t.d. þegar um fjölmenn boð er að ræða
•  Mikið geymslupláss er í húsinu; háaloft, geymslur á neðri hæð og bílskúr
•  Aldrei þarf að moka snjó frá húsinu; snjóbræðsla tekur allan snjó við uppgang, á bílastæði að bílskúr og að öskutunnum
•  Vesturpallur er einstakur griðastaður á góðum degi og svo “privat” að engin þörf er á að klæðast sundfötum frekar en vilji stendur til.  Á votviðrisdögum má færa grillið undir þakskyggið til að forða því frá bleytu
•  Fullkomið bruna- og innbrotakerfi með myndavélum er í húsinu, vaktað af Securitas.

Efri hæð:

• Flísalagt anddyri með gestasalerni
• Svefnherbergisgangur með hita í gólfi og skýjaglugga í lofti er með hjónaherbergi og hjónabaði innaf; gólfhiti á baði, baðkar (aðeins handsturta) og tvöfaldur vaskur
• Gengið frá svefnherbergisgangi út á stóran sólpall með heitum potti og heilsárs útisturtum, einni heitri (stillt í bílskúr) og annarri kaldri (ekki frostfrí)
• Tvö svefnherbergi / vinnuherbergi á svefngangi
• Stofa með arni og aðlægu sjónvarpsherbergi, útsýni yfir Perluna, Landspítalann og Hallgrímskirkju
• Eldhús með stórri eyju og gaseldavél sambyggt borðstofu; gengið úr eldhúsi út á pall; útsýni upp í litlu Öskjuhlíð (Veðurstofuhæð)
• Ofan efri hæðar er gríðarmikið geymslupláss með góðu aðgengi á háaloftinu

Neðri hæð:

• Sjónvarpshol með tvöfaldri hurð út í sólpall (kvöldsól) í garðinum;  hiti í gólfi
• Tómstundaherbergi með gestaherbergi innaf; eldhúskrók / bar og gestasalerni; hægt að ganga beint út/inn í tómstundaherbergið frá austurgafli
• Svefnherbergisgangur er með tveimur svefnherbergum / vinnuherbergjum ásamt baði með tvöfaldri sturtu og hita í gólfi
• Rúmgott þvottahús með þvottavél, þurrkara og snúrum; útgengt í hjólageymslu og þaðan út á bílaplan
• Frá sjónvarpsholi er útgengt í tengigang sem liggur að bílskúrnum og útfrá tengiganginum er gengið í geymslu með rúmgóðum hillum

Framkvæmdir s.l ár:
2003
Fyllt upp í stigagat/þjónustutiga í eldhúsi
Brotið milli hæða og steyptur stigi, sjónvarpsherbergi minnkað sem því nemur
Brotinn burðarveggur milli eldhúss og borðstofu; loftið hengt í bita uppi á háalofti
Gaseldavél sett upp í eldhúsi
Brotinn burðarveggur milli íbúðar og þjónusturýmis á neðri hæð. Loftið hengt í bita í lofti
Brotið milli tveggja geymsla í kjallara (ein stærri mynduð)
Ný hurð sett út úr svefngangi; hurð út úr saumaherbergi lokað
Ný hurð sett í eldhúsinngang
Eldhús endurnýjað, eyja og háfur settur upp
Arinn smíðaður í stofu og annar (etanól) byggður á neðri hæð
Nýjir skápar settir í hjónaherbergi
Þak málað með gúmmímálningu (yfirfarið 2008)
Lúga sett upp á háaloft
Háaloft einangrað ofan á plötu og undir mæni
Allar innihurðar endurnýjaðar og hillur aérsmíðaðar í sjónvarpsherbergi
Húsið klætt takkadúk og drenlögn sett í kring (nema vesturgafl sem er á bergi og er drenaður innan frá)
Hurð í þvottahús lokað og önnur í staðinn gerð inn í hjólageymslu
Tekinn niður garðgluggi í kjallara og tvöföld hurð sett í staðinn
Skipt um útidyrahurð á austurgafli
Bílskúrshurð endurnýjuð; brunahurð í bílskúr uppsett inn í íbúarými
Gegnheilt eikarparket lagt á báðar hæðir
Terrazzosteyptur uppgangur með útiljósum í og meðfram uppgangi
Hitalagnir (afrennsli ofnakerfis) settar í uppgang, og í bílaplan að öskutunnum
Lagnir (vatn, frárennsli og rafmagn) endurnýjaðar að mestu leyti í húsinu öllu

2008
Uppsettur heitur pottur að vestanverðu ásamt útisturtu
Steinsteyptar tröppur frá palli og niður í garð
Sólpallur að vestanverðu smíðaður ásamt skjólgirðingu
Sólpallur að norðanverðu smíðaður
Veggur við bílskúr steyptur
Ruslatunnuskýli sett upp norðan húss
Fyllt upp í raufar í neðri hluta ytra byrði húss
Vesturhluti garðs hækkaður og garðurinn tyrfður

2012
Hurð að gangi á efra baði lokað og baðinnrétting endurnýjuð
Flísalagt á baði á efri hæð, hiti í gólfum
Tvöfaldur sturtuklefi settur upp á neðri baði
Flísalagt á baði á neðri hæð, hiti í gólfum, baðinnrétting sett upp
Flísalagt á baði og ný salerni/vaskur sett upp á báðum gestaböðum

2025
Þakhalli lagfærður með nýjum burðarbita í þaki við inngang
Brunahurð í bílskúr inn í íbúðarými endurnýjuð (í pöntun í lok okt 2025)
Þak endurnýjað (allt járn og pappi, en ekkert af borðum eða stoðum: allt stráheilt)
Gert við vegg að óeinangruðu rými á neðri hæð ásamt hluta parkets í innsta herbergi

Nánari upplýsingar veitir Styrmir Bjartur Karlsson, s. 899 9090 og styrmir@croisette.is