Croisette - Knight Frank kynnir jörðina Strandarhöfuð.
Um er að ræða lögbýli með 240 hektara landi og miklum húsakosti í V-Landeyjum á Suðurlandi, örstutt frá Hvolsvelli.
Landið er skilgreint samkvæmt aðalskipulagi sem landbúnaðarland og er afmarkað með girðingum og skurðum.
Jörðin er mjög grasgefin og landgæði jarðarinnar afar góð. Ræktað land er um 30 hektarar (tún) en gæti verið umtalsvert meira.
Afar fallegt útsýni í allar áttir.
Sjáðu húsin hér í 3D.
AðalhúsiðHesthúsið og reiðhöllinÍ 5 mínútna akstursfjarlægð frá Hvolsvelli.
Húsakostur er kynntur með rafmagni og varmadælum. Neysluvatn er fengið frá samveitu.
Þetta er stórglæsileg jörð sem gefur mikla möguleika til landbúnaðar eða ferðaþjónustu. Eign fyrir fjársterka aðila.
Íbúðarhús: Glæsilegt og reisulegt 271 fm tveggja hæða timburhús á steyptum sökkli, byggt 2006. Húsið skiptist í forstofu, eldhús, borðstofu og stofu í opnu rými, 5 svefnherbergi, tvö baðherbergi, opið sjónvarpsrými, sturtuherbergi, þvottahús, búr og tvöfaldan bílskúr.
Þetta er stórglæsileg jörð sem gefur mikla möguleika til landbúnaðar eða ferðaþjónustu. Eign fyrir fjársterka aðila.
Íbúðarhús: Glæsilegt og reisulegt 271 fm tveggja hæða timburhús á steyptum sökkli, byggt 2006.
Húsið skiptist í forstofu, eldhús, borðstofu og stofu í opnu rými, 5 svefnherbergi, tvö baðherbergi, opið sjónvarpsrými, sturtuherbergi, þvottahús, búr og tvöfaldan bílskúr.
Nánari lýsing:
Neðri hæð:Komið er að húsi inn á stórt steypt bílaplan. Gengið er inn um aðalinngang inn í anddyri með fataskápum, Inn af anddyri er komið inn í rúmgott alrými með stiga upp á efri hæð. Úr alrýminu er opið inn í stofu og bjart eldhús með eyju, eldavél með tvöföldum ofni og gashelluborði. Borðstofa er rúmgóð með útsýni til suðurs og vesturs, stofa er í framhaldi af borðstofu. Stofan er rúmgóð með frönskum hurðum sem opnast út á sólpall. Þar er nýlegur saltvatnspottur frá Heitir Pottar.
Á neðri hæð er eitt stórt svefnherbergi með fallegu útsýni til fjalla gestasnyrting og sturtuherbergi ásamt rúmgóðu þvottahúsi með útgengi á sólpall.
Inn af þvottahúsi er stór geymsla/búr sem opnast inn bílskúr. Á gólfum á neðri hæð eru flísar með undirliggjandi gólfhita og í svefnherberginu er eikarparket.
Efri hæð:Þegar er komið upp á efri hæð blasir við sjónvarpsherbergi verulega aukinni lofthæð og stórum suðurvísandi glugga með stórkostlegu útsýni til fjalla og Vestmannaeyja. Úr sjónvarpsherbergi er útgangur út á suðursvalir.
Á efri hæð eru fjögur rúmgóð svefnherbergi og nýuppgert og flísalagt baðherbergi með baðkari og góðum línskáp.
Gólf á efri hæð eru með eikarparketi.
Timburpallur er í kringum húsið að hálfu leyti, annars er mynstursteypa á bílaplani og vestan við húsið.
Húsið stendur á hóli og inn í hann hefur verið grafið fyrir jarðhýsi með vín- og grænmetisgeymslu.
Hesthús: 427,4 fm Hesthúsið er með 36 stíur þar af ellefu, tveggja hesta stíur. Í hesthúsinu er einangruð hnakkageymsla, kaffistofa og köld geymsla/spóngeymsla.Í hesthusinu eru tvær varmadælur.
Reiðhöll: Úr hesthúsinu er innangengt inn í 16 x 30m reiðhöll. (480 fm) Um er að ræða stálgrindarhús byggt 2017 sem er klætt er með yleiningum. Gengið er inn í reiðhöll í gegnum tengibyggingu. Í tengibyggingu er salerni/þvottarými, baðaðstaða fyrir hesta og tvær rúmgóðar stíur.
Önnur útihús: Eldri hlaða, innangeng úr hesthúsi, hefur verið notuð sem fjárhús en væri auðveldlega hægt að breyta í hesthús eða geymslu.
Inn af hlöðu er 120 fm skemma með 6 fermetra frysti og önnur 140,5 fm vélaskemma.
Gestahús: Húsið er staðsett steinsnar frá íbúðarhúsi. Um er að ræða timburhús, byggt 1970. Húsið er 58,5 fm með 3 svefnherbergjum, eldhúsi, borðstofu, stofu í opnu rými, baðherbergi með sturtu, anddyri m/ þvottahús aðstöðu og timburpalli.
Önnur hús er gamalt fjárhús sem nýtist sem vetrarskjól fyrir folaldsmerar á veturna.
Á Jörðinni Strandarhöfuð er í dag rekið þekkt hrossaræktarbú. Mjög áhugaverð jörð á einum besta stað á Suðurlandinu.
Nánari upplýsingar veitir Styrmir Bjartur Karlsson, framkvæmdastjóri og lfs í s. 899 9090 eða í styrmir@croisette.is 
